«Бу воқеа жавобсиз қолмайди» - Жаҳонгир Нажмиддинов кечаги жанг ва рақибининг ҳурматсизлиги ҳақида

Жаҳонгир Нажмиддинов (8-5-1) Оctagon 41 турнири доирасида қозоғистонлик Теймур Жапаровга (12-3-1) қарши октагонга кўтарилди. 3 раундга мўлжалланган жанг тўлиқ давом этди ва унда қозоғистонлик Теймур Жапаров ҳакамларнинг якдил қарори билан ғалаба қозонди.

Жанг натижаси эълон қилиниб, қозоғистонлик жангчи ғолиб деб топилганидан сўнг ҳамюртимиз рақибига норозилик билдирди ва натижада октагон ичида жанжал юзага келди. ММАчимиз мазкур ҳолат юзасидан муносабат билдирди.

«Ҳали тўққизинчи ғалабани қайтарамиз. Бизга омад етишмади. Лекин бу воқеа жавобсиз қолмайди. Мен ўзбеклигимдан фахрланаман, мен учун ор-номус биринчи ўринда», - деб ёзиб қолдирди спортчи ижтимоий тармоқда.