09 окт 08:37
Янгиликлар

Дзюдо, Олимпия ўйинлари

Буэнос-Айрес 2018. Нилуфар Ермагамбетова бронза медали соҳибаси!

Аргентина пойтахти Буэнос-Айрес шаҳрида III ёзги ўсмирлар Олимпия ўйинлари давом этмоқда.

Дзюдочимиз Нилуфар Ермагамбетова олимпия ўйинларининг совриндорлари қаторидан жой олди. Ҳамюртимиз илк баҳсида панамалик рақибасини мағлубиятга учратди. Ярим финалда эса мўғулистонлик спортчига имкониятни бой берди.

Бронза медали учун кечган учрашувда эса у Пуэрто-Рико вакиласи Сеири Колонни мағлуб этди ва совриндорлар қаторидан жой олди. Бу билан Ўзбекистон терма жамоасининг ўсмирлар Олимпия ўйинларидаги медаллари сони иккитага етди.