09 окт 08:17
Янгиликлар

Футбол

Буффон ва Де Росси яна термага қайтиши мумкин

"Ювентус" дарвозабони Жанлуижжи Буффон ва "Бока Хуниорс" аъзоси Даниеле Де Росси яна Италия терма жамоасига қайтиши мумкин, дея хабар қилади Gazzetta dello Sport.

Фақат бу "Скуадра Аззурра" Евро-2020 йўлланмасини муддатидан олдин ҳал этсагина рўй бериши мумкин.

Воқеалар ривожи шундай кўриниш оладиган бўлса, у ҳолда Буффон ҳамда Де Росси терма либосида ҳайрлашув учрашувини ўтказиш имконияти пайдо бўлади.

Италия Евро-2020 саралашининг "I" гуруҳидан ўрин олган бўлиб, Роберто Манчини шогирдлари ўтган 6-тур баҳсларида юз фоизлик натижа кўрсатган ҳолда 18 очко билан пешқадамлик қилишмоқда.