Бугун, 02.02.2020да Олимпиада чемпиони бўйдоқлик билан хайрлашади

Бундай кун охирги марта 909 йил аввал содир бўлган экан. Бундай рақамларда ифодаланган сананинг ёзилиши бошдан охирига қараб ҳам, охиридан бошига қараб ҳам бир хил ўқилади.

Айнан мана шундай чиройли ёзиладиган санада оғир атлетика бўйича Рио-2016 Олимпиадаси чемпиони, жаҳон рекордчиси Руслан Нурудинов бўйдоқлик билан хайрлашади. Бугун Русланнинг тўйи. Файзли оқшом Андижонда бўлиб ўтади. 

Нурудинов танлаган умр йўлдоши ҳам спортчилар оиласидан - синхрон сузиш бўйича терма жамоамизнинг собиқ аъзоси, айни пайтда мураббийлик фаолиятини бошлаган Алмира Маматказина!  Алмира чим устида хоккей бўйича тажрибали мураббий Ринат Маматказиннинг фарзанди ҳисобланади. 

Фурсатдан фойдаланиб, сайтимиз ижодкорлари ва ўқувчилари номидан Руслан Нурудиновга оилавий бахт, тинчлик-хотиржамлик тилаймиз.