Бугун 23 май - Бутунжаҳон спорт курашлари куни!

Тарихий ҳужжатлар шуни тасдиқлайдики, спорт курашларининг элементлари, яъни кўринишлари эрамизгача бўлган даврда ҳам бўлган. Миср, Қадим Греция ва Вавилон рельефларидаги қадимий суратларда курашчилар акс этган. Ўрта асрларда Франция, Япония, Англияда спорт курашлари жуда ҳам оммалашган.

1904 йилнинг 23 май куни Австриянинг Вена шаҳрида спорт курашлари бўйича биринчи тарихий жаҳон чемпионати старт олган. 2013 йилнинг 23 майидан эса расман шу кунни бутун дунёда Бутунжаҳон спорт курашлари куни сифатида нишонлаш бошланган. Яъни, 23 май бутун дунё спорт курашчиларининг миллий, том маънода касб байрамига айланган. 

Фурсатдан фойдаланиб, Ўзбекистон спорт курашлари ассоциацияси барча полвонларимиз, мураббийлар, умуман бу спорт турига бефарқ бўлмаган инсонларни бугунги байрам билан муборакбод этади.