Бугун, 28 октябрь - Бутунжаҳон дзюдо куни!

Бугун айнан дзюдо асосчиси Дзигоро Кано таваллуд топган кун. Халқаро дзюдо федерациясига аъзо 5 қитъанинг 200га яқин мамлакатида, шу жумладан Ўзбекистонда ҳам бу ўзига хос дзюдо байрами сифатида тантана қилинади. Бугун Қорақалпоғистон Республикаси, барча вилоятлар ҳамда Тошкент шаҳрида Халқаро дзюдо кунига бағишлаб турли тадбирлар ўтказилади.  

Бу йилги байрам тадбирлари “Дарахт эк!” шиори остида ўтказилади. Бу кўчат экиш маросимлари замирида атроф-муҳит ва табиатни асраш сингари эзгу ишлар мужассам. Бугун эрта тонгдан вилоят федерациялари томонидан жойларга тули мевали ва манзарали кўчатлар экилди. Бу маросим соат 14:00да Ўзбекистон дзюдо федерациясига кўчади. У ерда катта дзюдо байрами ўтказилади.   

Маълумот учун, япон жанг санъатининг олий кўриниши бўлган дзюдо билан бугунги кунда сайёрамизда 30 миллионга яқин киши шуғулланади. Бу сон йилдан-йилга ошиб бормоқда. Дзюдо илк бор 1964 йили Токиода ўтган XVII Ёзги Олимпиада дастурига киритилган эди. Ўшандан бери ҳар тўрт йилда олимпия ўйинларида дзюдо бўйича ғолиб ва совриндорлар аниқлаб келинади.