Бугун -74 кг вазнда Париж-2024 Олимпиадасига борадиган эркин курашчимиз аниқланади

Эркин, юнон-рум ва аёллар кураши бўйича ўтказилаётган ушбу мусобақада Ўзбекистон терма жамоаси ҳам иштирок этяпти. Бугун мусобақанинг иккинчи куни эркин ва аёллар кураш бўйича беллашувлар ўтказилади. 

Биз учун аҳамиятлиси, эркин кураш баҳсларининг -74 кг вазн тоифасида терма жамоамизнинг икки вакили Разамбек Жамалов ва Бекзод Абдураҳмонов ғолиблик йўлида курашга киришади. 

Айнан бугунги беллашувларда энг яхши натижа қайд этган эркин курашчимиз Париж-2024 Олимпиадасида Ўзбекистон шарафини ҳимоя қилиш ҳуқуқини қўлга киритади. Қуръа натижасига кўра, улар фақат финалдагина бир-бирлари билан тўқнаш келишлари мумкин.

Бугун гиламга чиқадиган курашачиларимиз:

-74 кг: Бекзод Абдураҳмонов – Адам Томсон (Канада)

-74 кг: Разамбек Жамалов – Чир Монтеро (Венесуэла)

-86 кг: Бобур Исломов – Жейден Лоуренс (Австралия)

-50 кг: Актенге Кеунимжаева – Аудрей Хименез (АҚШ) / Надежда Цоколова (Нейтрал спортчи)

-53 кг: Саҳибжамал Эсбўсинова – Антим (Ҳиндистон)