02 апр 07:11
Янгиликлар

Теннис

Бугун Абдураимова Сплитдаги юришини бошлайди

Бугун Хорватиянинг Сплит шаҳрида теннис бўйича W75 тоифасига кирувчи турнирнинг асосий тўр баҳслари старт олади.

Мукофот жамғармаси 75 000 долларни ташкил қилувчи ушбу мусобақада ҳамюртимиз Нигина Абдураимова ҳам ўз имкониятини синовдан ўтказади. Мамлакатимизнинг биринчи ракеткаси қуръа натижасига кўра илк даврада хорватиялик Яна Феттга қарши кортга чиқади. Ушбу учрашув бизнинг вақт билан соат 14:30да бошланади.

Таққослаш учун, Нигина Абдураимова WTA рейтингида 240, Яна Фетт эса 171-ўринни эгаллаб турибди. Теннисчилар шу кунгача ўзаро икки маротаба тўқнаш келишган. 2016 йили Токиодаги турнир доирасида ўтказилган илк баҳсда Фетт ғалаба қозонган. Ўтган йили айнан Сплитдаги турнирда Абдураимова етти йил аввалги мағлубият учун реванш олганди. Бугун теннисчилар орани очиқ қилиб олишади.