Бугун Абдусатторов Прага турнирида мезбон гроссмейстер билан ўйнайди

Ушбу мусобақада Нодирбек Абдусатторов (2744) ҳам муваффақиятли иштирок этяпти. Ҳамюртимиз илк турда чехиялик Нгуен Таи Даи Ванни мағлубиятга учратган, кеча эса 2-турда ҳиндистонлик Видит Сантош Гужрати билан дурангга имзо чекканди. 

Бугун Прага турнирида 3-тур партиялари ўйналади. Биринчи доскада Нодирбек Абдусатторов оқ доналарда чехиялик Давид Навара (2667)га қарши баҳс олиб боради. Учинчи тур олдидан ҳамюртимиз турнир жадвалида 1,5 очко билан учинчи, Навара эса 1 очко билан 5-ўринни эгаллаб турибди.