Бугун Абдусатторов ва Синдаров Лондон турниридаги иштирокини бошлайди

Мукофот жамғармаси 58 000 еврони ташкил қилувчи WR Chess Masters турнирида дунёнинг кучли 16 нафар гроссмейстери бош соврин учун баҳс олиб боради. Улар орасида ёш гроссмейстерларимиз Нодирбек Абдусатторов ва Жавоҳир Синдаров ҳам бор.

Бугун биринчи босқичда Нодирбек Абдусатторов турнирдаги ягона аёл шахматчи, Швейцария шарафини ҳимоя қилаётган 12-Жаҳон чемпиони Александра Костенюкка қарши баҳс олиб боради. Жавоҳир Синдаров эса франциялик Максим Вашье-Лаграв билан ҳисоб-китоб қилади. 

Қизиғи, агар иккала шахматчимиз ҳам бугунги учрашувларида ғалаба қозонишса, 1/4 финалда ўзбек дербисига гувоҳ бўламиз.   

Турнир иштирокчилари: Нодирбек Абдусатторов, Жавоҳир Синдаров (иккиси ҳам Ўзбекистон), Вишванатан Ананд, Аржун Эригаиси, Рамешбабу Праггнанандҳа, Раунак Садвани, Вайшали Рамешбабу, Видит Гужратҳи (ҳаммаси Ҳиндистон), Бодҳана Шиванандан, Шреяс Рояль (иккиси ҳам Англия), Веселин Топалов (Болгария), Александра Костенюк (Швейцария), Максим Ваше-Лаграв, Алиреза Фирузжа (иккиси ҳам Франция), Виктор Болаган (Молдова), Парҳам Мақсудлу (Эрон).