Бугун Абу-Даби "Катта Дубулға" турнирида 8 нафар дзюдочимизга мухлислик қиламиз. Тўрабоев оғир вазнда татамига чиқади

Дунёнинг 4 қитъаси 29 мамлакатидан жами 219 (150 эркак, 69 аёл) нафар дзюдочи иштирок этаётган мазкур мусобақада ўзбекистонлик спортчилар ҳам медаллар учун татамига чиқяпти. 

Мукофот жамғармаси 154 000 еврони ташкил қилувчи Абу-Даби "Катта Дубулға" турнирининг учинчи куни 8 нафар дзюдочимиз баҳсларга киришади. Ҳозирча мусобақанинг биринчи куни Муҳриддин Тиловов томонидан қўлга киритилган бронза медали ягоналигини сақлаб турибди.

Бугун Музаффарбек Тўрабоевнинг укаси Ўткирбек +100 кг вазн тоифасида курашади. Унга илк даврада қозоғистонлик Мади Едилбаев рақиблик қилади. 

Бугун татамига чиқадиган дзюдочиларимиз:

-90 кг: Нурбек Муртозоев - Кен Дакасин (Филиппин)

-90 кг: Жалолиддин Қурбонмуродов - Михаил Латишев (Молдова)

-100 кг: Зуфарбек Ўролов - Нияз Билалов (IJF)

-100 кг: Эрназар Сарсенбаев - Жаҳонгир Мажидов (Тожикистон)

+100 кг: Муҳаммадқодир Мансуров - Тамерлан Башаев (IJF)

+100 кг: Ўткирбек Тўрабоев - Мади Едилбаев (Қозоғистон)

АЁЛЛАР

+78 кг: Фотима Қурамбоева - Карен Стивенсон (Нидерландия)

+78 кг: Дурдона Низомаддинова - Коралие Ҳайме (Франция)