25 июн 07:25
Янгиликлар
Бошқалар
Бугун Ашхободда полвонларимиз гиламга чиқишади
Бугун Туркманистон пойтахти Ашхобод шаҳрида белбоғли кураш бўйича нуфузли мусобақа бошланади.
Халқаро турнирда юртимиз шарафини жами 18 нафар (5 нафар аёл, 13 нафар эркак) полвонимиз ҳимоя қилади. Терма жамоа таркибидан Бобур Тўхтасинов, Ҳусниддин Рўзиев, Элбек Сотиболдиев, Зоҳид Исмоилов каби жаҳон чемпионатининг ғолиб ва совриндорлари ҳамда ёш умидли спортчиларимиз жой олган.
- Келаси йили Туркманистонда Ёпиқ иншоотлардаги Осиё ўйинлари ҳамда Бутунжаҳон Талабалар Универсиадаси бўлиб ўтади. Ушбу турнир ана шу нуфузли мусобақалар олдидан мезбонларга имтиҳон вазифасини ўтаб беради, - дейди терма жамоа бош мураббийи Шавкат Мирзақулов. – Мусобақа баҳона улар спорт иншоотларини кўздан кечириб оладилар. Биз ҳам ўз навбатида жорий йил ўтадиган жаҳон чемпионати олдидан спортчиларимизни яна бир бор имтихондан ўтказиб оламиз.
Ҳавола :
Манба : olamsport.com
Фикрлар