29 дек 11:57
Янгиликлар
Шахмат
Бугун блиц йўналиши бўйича жаҳон чемпионати бошланади
Польша пойтахти Варшава шаҳрида шахматнинг рапид ва блиц йўналишлари бўйича жаҳон чемпионати давом этмоқда.
Кеча 17 ёшли гроссмейстеримиз Нодирбек Абдусатторов эркаклар, россиялик Александра Костенюк аёллар ўртасида рапид йўналишида жаҳон чемпиони бўлгани ҳақида хабар берган эдик.
Бугун Тошкент вақти билан соат 19:00да блиц йўналиши бўйича жаҳон чемпионати бошланади. Бугун шахматчилар 12 партияда ўзаро муносабатларига ойдинлик киритиб олишади. Эртага қолган 9 партия ўйналади ва ғолиб ҳамда совриндорлар номи маълум бўлади.
Бугун Нодирбек Абдусатторовдан ташқари яна уч ёш гроссмейстеримиз - Жаҳонгир Воҳидов, Жавоҳир Синдоров ва Шамсиддин Воҳидов ҳам блиц йўналишида ўз омадларини синаб кўрадилар. Блиц йўналишида шахматчиларга умумий 3 дақиқа ва кейин ҳар бир юриш учун 2 сониядан вақт берилади.
Ҳавола :
Манба : olamsport.com
Фикрлар