Бугун Давлат Бобонов ва Гулноза Матниязовага мухлислик қиламиз (Рақиблар + ФОТО)

Токио Олимпиадаси олдидан ўтказилаётган сўнгги IJF мусобақасининг бешинчи кунида аёллар -70 кг, эркаклдар эса -90 кг вазн тоифасида медаллар ҳамда рейтинг очколари учун татамига чиқадилар. Бугун Ўзбекистоннинг 2020 йилдаги энг яхши спортчиси Давлат Бобонов ҳамда Гулноза Матниязовага мухлислик қиламиз ва албатта медаль кутамиз. 

Бобонов иккинчи даврадан баҳсларга қўшилади ва унда япониялик Санширо Мурао ҳамда молдовалик Мокану жуфтлигида ғолиб чиққан дзюдочи билан тўқнаш келади. Матниязова ҳам жаҳон чемпионатидаги иштирокини иккинчи босқичдан бошлайди. У нимчорак финал йўлланмаси учун германиялик Жиованна Скоччимаррога қарши татамига чиқади. Бугунги баҳслар ҳам Тошкент вақти билан соат 13:00да бошланади.