23 мар 11:13
Янгиликлар

Футбол

Бугун Доҳада Қатар - Ўзбекистон ўртоқлик ўйини ўтказилади

Хабарингиз бор, Ўзбекистон олимпия терма жамоаси Қатарда навбатдаги ўқув-йиғин машғулотини ўтказмоқда.

Бугун Тимур Кападзе шогирдлари Қатар олимпия терма жамоасига қарши ўртоқлик учрашувида майдонга тушади. Ушбу ўйин Тошкент вақти билан соат 23:30 да "Абдуллоҳ бин Халифа" стадионида бошланади.

Эслатиб ўтамиз, Париж Олимпиадасига йўлланма берувчи U-23 Осиё кубоги 15 апрелдан 3 май санасига қадар айнан Қатар мамлакатида бўлиб ўтади. Ўзбекистон U-23 терма жамоаси "D" гуруҳида Вьетнам, Кувайт ҳамда Малайзияга қарши баҳс олиб боради.