Бугун Фарғона турнирининг асосий тўр баҳслари старт олади

Бош мукофот йўлида дунёнинг 10дан зиёд давлати теннисчилари қаторида 5 нафар ҳамюртимиз ҳам ўз имкониятларини синовдан ўтказишади.

Мусобақанинг биринчи рақамли теннисчиси сифатида Нигина Абдураимова қайд этилган. Қуръа натижасига кўра, ҳамюртимиз илк даврада словакиялик Тереза Михаликовага қарши кортга чиқади. Иккинчи ракетка сифатида ҳаракат қиладиган яна бир теннисчимиз Сабина Шарипова эса ҳиндистонлик Прерна Бхамбри билан ҳисоб-китоб қилади.

Шунингдек, саралаш баҳсларида муваффақият қозонган теннисчиларимиздан Жамила Сайидхўжаева, Полина Меренкова ва Камола Умаров ҳам асосий тўр учрашувларида кортга чиқишади.