Бугун "Феррари" ўзининг WEC гиперкарларидаги пилотларини эълон қилади

Бу ҳақда жамоа ўз ижтимоий тармоқларида хабар тарқатди.

Қайд этилишича, бунда ушбу мавсум чемпионатда иштирок этадиган Италия клубининг икки машинасини ҳайдайдиган пилотлар номи маълум қилинади.

Бўлажак мавсумда "Феррари" шарафини икки экипаж ҳимоя қилади.

"Феррари" сўнгги бора завод жамоаси сифатида 1973 йилги пойгаларда иштирок этганди. Ўз тарихи мобайнида "Феррари" афсонавий "Ле-Мандаги 24 соат" марафонида 36 марта ғалабага эришган.

Эслатиб ўтамиз, "Феррари" WEC тизимига қайтишини 2021 йили эълон қилганди.

Ушбу мавсумда гиперкарлар классида фақатгина тўрт экипаж иштирок этди. "Монцадаги 6 соат"дан бошлаб чемпионатда "Пежо" жамоаси ҳам пайдо бўлди. Навбатдаги мавсумда гиперкарлар туркумида 10 экипаж бўлиши кутилмоқда.