Бугун футбол. "Пахтакор" - "Сўғдиёна"

Чемпионлик сари дадил одимлаётган "Пахтакор" ўз майдонида "Сўғдиёна"ни қабул қилади. Турнир жадвалида "Пахтакор" 44 очко билан биринчи ўринни эгаллаб турибди. "Сўғдиёна" ҳисобида 24 очко мавжуд бўлиб, 9-ўринда боряпти. 

"Пахтакор" ҳозиргача фақат битта ўйинда мағлуб бўлган ва шу мағлубият Жиззахда "Сўғдиёна" билан кечган беллашувда рўй берган. Бугун "Пахтакор" ўша мағлубият аламини олишга, "Сўғдиёна" эса биринчи даврадаги ғалаба тасодиф эмаслигини исботлашга уриниб кўради. 

Иккинчи даврага старт берилгач, "Пахтакор" ҳозирча 4та ўйинда майдонга тушиб, шундан учтасида ғалаба қозонди ва бир бор дуранг ўйнади. Жиззахликлар эса бешта учрашувда иштирок этиб, шундан иккитасида ғалабага эришишди. Яна иккита баҳс дуранг натижа билан тугади ва бир бор мағлубият қайд этилди. 

Факт: "Сўғдиёна" сафарда 6 та ўйиндан бери ғалаба қозона олмаяпти. Бу жамоа сўнгги бор 6-тур учрашувида "Локомотив" устидан зафар қучган.