31 май 11:38
Янгиликлар

Бокс/ММА

Бугун ғалаба қозонган Бёрнс чемпион Усманга "вызов" ташлади

Бразилиялик аралаш қоидалар устаси Гилберт Бёрнс ярим ўрта вазнда амалдаги UFC чемпиони Камару Усманни октагонга чорлади.

Бугун Бёрнс UFC Fight Night 176 турнирида номдор рақиби Тайрон Вудлини мағлубиятга учратиб, кичик шов-шус сабабчисига айланган эди. Бу Бёрнснинг кетма-кет қозонган олтинчи ғалабаси бўлди.

"Айнан мен Усманнинг камарига биринчи рақамли даъвогар бўлишим шарт. Рейтингда мендан юқорироқда турган жангчиларни эгаллаб турган ўринларига мос эмас. Келаётган сешанба куни ўзимни чемпионлик учун бош даъвогар сифатида кўришдан умидворман. Дэна, бу жангни мен учун ташкил этиб бер", - дея Твиттер саҳифасида хабар қолдирган Бёрнс.

Маълумот учун, 33 ёшли Гилберт Бёрнс бугун қаторасига олтинчи ғалабасини қўлга киритди ва бу билан чемпионлик камари учун муносиб номзод эканини исботлади. Унинг ҳисобида 19 ғалаба ва 3 мағлубият бор.