Бугун ҳам Жаҳон чемпионатида 5 нафар боксчимизга мухлислик қиламиз. Яна бир Олимпиада чемпионимизнинг юриши бошланади

Бугун жаҳон чемпионатининг тўртинчи куни ҳам худди кечаги сингари 5 нафар чарм қўлқоп устамиз рингга кўтарилади. Улар орасида Париж-2024 Олимпиадаси ҳамда жаҳон чемпиони Асадхўжа Мўйдинхўжаев ҳам бор. -65 кг вазн тоифасидаги боксчимиз илк жангида хитойлик Жианхао Жуга қарши рингга чиқади. Ушбу баҳс бизнинг вақт билан соат 01:45да бошланади. 

Кун давомида шунингдек, Миразизбек Мирзахалилов (-55 кг), Жавоҳир Умматалиев (-80 кг), Хуморабону Мамажонова (-57 кг) ва Азиза Зокирова (-70 кг) жаҳон чемпионатидаги иштирокларига киришишади.  

Боксчиларимиз иштирокидаги жанглар:

-55 кг: Миразизбек Мирзахалилов - Паван Бартвал (Ҳиндистон) Б ринг. 16:00

-80 кг: Жавоҳир Умматалиев - Никодем Козак (Польша) А ринг. 17:45

-57 кг: Хуморабону Мамажонова - Бояна Гойкович (Черногория) Б ринг. 22:30

-70 кг: Азиза Зокирова - Регина Лакос (Венгрия) А ринг. 23:30

-65 кг: Асадхўжа Мўйдинхўжаев - Жианхао Жу (Хитой) Б ринг. 01:45

Биринчи дастур одатдагидек Тошкент вақти билан соат 15:00, кечки дастур эса 22:00`да бошланади.

Эслатиб ўтамиз, кеча Феруза Казакова (-51 кг), Шавкатжон Болтаев (-71 кг), Ситора Турдибекова (-60 кг) ва Олтиной Сотимбоева (+80 кг) жаҳон чемпионатида муваффақиятли старт олишган эди.