14 дек 09:49
Янгиликлар

Бокс/ММА

Бугун Ҳасанбой Дўсматов рингга кўтарилади, Рустам Тўлаганов ҳам!

Шу кунларда Самарқанд олимпия захиралари коллежида бокс бўйича катталар ўртасидаги Ўзбекистон чемпионати бўлиб ўтмоқда.

Йилнинг сўнгги нуфузли мусобақасида Қорақалпоғистон Республикаси, Тошкент шаҳри ва деярли барча вилоятларидан жами 275 нафар чарм қўлқоп устаси 8та вазн тоифасида иштирок этяпти.

Бугун Рио Олимпиадаси чемпиони Ҳасанбой Дўсматов ўзи учун янги бўлган -52 кг вазн тоифасида рингга кўтарилади. AIBA томонидан вазнларнинг камайтирилиши натижасида энг енгил ҳисобланган -49 кг вазн тоифаси мусобақалар дастуридан олиб ташланган эди.

Қуръа натижасига кўра, Ҳасанбой Дўсматов биринчи босқичда Муҳаммадмусо Абдураҳмоновга қарши рингга кўтарилади. -91 кг вазнда Рио Олимпиадаси совриндори Рустам Тўлаганов эса фарғоналик Ғиёсжон Иминжоновга қарши рингга чиқади.