Бугун Ҳасанбой Дўсматовга Швейцарияда “Йил боксчиси” мукофоти топширилади

Қувонарлиси, ушбу мукофотни қўлга киритиш учун даъвогарлар орасида бизнинг Ҳасанбой Дўсматов ҳам бор эди. 49 кг вазн тоифасида Рио Олимпиадаси чемпиони бўлган ҳамюртимиз ушбу мукофотга лойиқ деб топилди. 

Бугун Швейцариянинг Лозанна шаҳрида “Йил боксчиси” олий соврини Рио Олимпиадаси чемпиони Ҳасанбой Дўсматовга тантанали равишда топширилади.

Тақдирлаш маросимида Ўзбекистон бокс федерацияси вице-президенти Шерзод Тошматов ҳам иштирок этади. Тошматов куни кеча Осиё бокс конфедерацияси Ижроия қўмитаси йиғилишида конфедерация вице-президенти лавозимига сайланган эди.

Маълумот учун, “Йил спорчиси” сўровномасида иккинчи ўринни қозоғистонлик Олимпиада чемпиони Данияр Елиусинов эгаллади. Кубалик чемпион Робейси Рамирес эса учинчи поғонадан жой олди.