Бугун "Ҳумо" "Номад"га қарши сафардаги илк ўйинини ўтказади

Хоккей бўйича Тошкентнинг "Ҳумо" жамоаси бугун Қозоғистон Очиқ чемпионати финал босқичи доирасида "Номад"га қарши илк сафар ўйинида музга чиқади.

"Қанотлилар"нинг бугунги учрашуви Тошкент вақти билан соат 18:00 да, Остона шаҳридаги "Барис Арена"да бошланади.

Жамоалар ўртасида Тошкентда ўтказилган иккита учрашувдан сўнг сериядаги умумий ҳисоб ҳозирча 1:1. Финал доирасидаги ўйинлар серияси тўрттадан еттитагача давом этиши мумкин.

"Ҳумо"нинг бугунги учрашуви YouTube платформасидаги InSportTV канали орқали трансляция қилинади.