24 авг 12:39
Янгиликлар

Хоккей

Бугун "Ҳумо" Қозоғистон кубогидаги иштирокини бошлайди. Илк рақиб — "Кулагер"!

Шу кунларда Қозоғистоннинг Уст-Каменогорск шаҳрида хоккей бўйича Қозоғистон кубогининг "А" гуруҳи беллашувлари ўтказилмоқда.

Мазкур гуруҳда "Ҳумо"дан ташқари Қозоғистоннинг "Арлан", "Кулагер", "Торпедо" ва "Алмати" жамоалари жой олган.

Кеча ўтказилган гуруҳнинг илк ўйинида "Торпедо" "Алмати"ни 3:2 ҳисобида таслим этган бўлса, "Кулагер" амалдаги Қозоғистон чемпиони - "Арлан"ни 3:1 ҳисобида мағлубиятга учратди. Бугун эса Тошкентнинг "Ҳумо" хоккей клуби илк учрашуви доирасида "Кулагер"га қарши музга чиқади. Баҳс 17:00 да бошланади.

Маълумот учун, Қозоғистон кубогининг ярим финал босқичига йўл олиш учун жамоалар ўз гуруҳларида биринчи ўринни эгаллашлари талаб этилади.

Эслатиб ўтиш жоиз, "қанотлилар" Қозоғистон кубогининг амалдаги ғолиби ҳисобланади.