Бугун “Ҳумо” Тошкентда чемпионат пешқадамларидан бирига қарши ўйнайди

Тошкентнинг “Ҳумо” хоккей клуби ўз майдонида чемпионат пешқадамларидан бири, Москванинг “Звезда” жамоасини қабул қилади. Учрашув “Ҳумо Арена” муз саройида соат 19:30да бошланади. 

Маълумот учун, бу жамоаларнинг 29 октябрь куни Москвада ўтган илк ўйинида “Звезда” 7:2 ҳисобида ғалаба қозонган эди. Бугунги учрашув олдидан 31 та ўйин ўтказган “Ҳумо” умумий турнир жадвалида 34 очко билан 18-ўринни эгаллаб турибди. 32 та учрашув ўтказган “Звезда” эса 51 очко билан 4-поғонадан жой олган. 

Бугунги учрашувда хоккейчиларимиз учун мухлисларнинг қўллаб-қувватлаши жуда ҳам зарур. Шу боисдан сизларни “Ҳумо Арена”га таклиф қиламиз.