23 сен 08:55
Янгиликлар

Хоккей

Бугун "Ҳумо" Тошкентда "Торпедо" жамоасига қарши музга чиқади

Бугун Қозоғистон Очиқ чемпионатида иштирок этаётган "Ҳумо" хоккей жамоаси мавсумдаги еттинчи ўйинини ўтказади.

Бугунги ўйинда "қанотлилар" Уст-Каменогорск шаҳрининг "Торпедо" жамоасига қарши баҳс олиб боришади. Учрашув соат 17:00да "Ҳумо Арена"да бошланади.

Эслатиб ўтамиз, "Ҳумо" ҳозиргача ўтказилган олтита учрашувнинг барчасида ғалаба қозонган ҳолда 12 очко билан мусобақа жадвалида биринчи ўринни эгаллаб турибди. "Торпедо" эса 9 очко билан иккинчи поғонадан жой олган.