23 окт 08:40
Янгиликлар

Теннис

Бугун Ҳумоюн Султонов Шарм Эл-Шейх турниридаги иштирокини бошлайди

Уч соатлардан сўнг Мисрнинг Шарм Эл-Шейх шаҳрида теннис бўйича М25 тоифасига кирувчи турнирнинг асосий тўр баҳслари старт олади.

Эътиборлиси, ҳамюртимиз Ҳумоюн Султонов ушбу турнирнинг биринчи рақамли теннисчиси сифатида сараланган. Мамлакатимизнинг биринчи ракеткаси илк даврада сербиялик 24 ёшли Стефан Латиновичга қарши кортга чиқади. Учрашув бизнинг вақт билан соат 15:00 да бошланади.

Таққослаш учун, Султонов ATP рейтингида 232, Латинович эса 1067-ўринни эгаллаб турибди. Бу теннисчиларнинг ўзаро ўтказадиган илк учрашуви бўлади.