Бугун Ирисхон, Муҳаммадкарим ва Музаффарбекга зафар тилаймиз!

Токио Олимпиадаси олдидан ўтказилаётган сўнгги IJF мусобақасининг олтинчи кунида аёллар -78 кг, эркаклдар эса -100 кг вазн тоифасида медаллар ҳамда рейтинг очколари учун татамига чиқадилар. Бугун уч нафар дзюдочимизга мухлислик қиламиз ва албатта улардан медаль кутамиз. 

-78 кг вазн тоифасида юртимиз шарафини ҳимоя қиладиган Ирисхон Қурбонбоева илк даврада россиялик Антонина Шмелевага қарши татамига чиқади. Муҳаммадкарим Ҳуррамов баҳсларга иккинчи даврадан қўшилади ва бу босқичда Лук Манонгно (Габон) - Тома Никифоров (Бельгия) беллашуви ғолибига қарши баҳс олиб боради. Музаффарбек Тўрабоев эса биринчи даврада даниялик Матиас Мадсен билан тўқнаш келади. 

Ирисхон ва Музаффарбек учун бу биринчи жаҳон чемпионати бўлади. Бугунги баҳслар ҳам Тошкент вақти билан соат 13:00да бошланади.