Бугун Исроил Мадримов Лондонда рингга кўтарилади (жанг вақти ва трансляция)

Лондонда ташкил этиладиган профессионал бокс оқшоми Тошкент вақти билан соат 23:00да бошланади. 

Жанг кечаси доирасида саккизта баҳс ўтказилади. Марказий жангда супероғир вазн тоифаси боксчилари  Дерек Чисора ва Кубрат Пулев ўзаро тўқнаш келади. Co-main event тўқнашувда эса Исроил Мадримов Мишель Сорога қарши рингга кўтарилади. Ушбу жанг Тошкент вақти билан тахминан 00:30дан сўнг бошланади. Жанг "Зўр ТВ" телеканали орқали жонли эфирда намойиш этилади.

Мадримовнинг жанги WBA Eliminator камари учун бўлиб ўтади ва ғолиб Жермелл Чарлонинг WBA камарига мажбурий даъвогарга айланади.

Аввалроқ, Исроилнинг жанг олди тарозидан ўтгани ҳақида хабар берган эдик.

Жангни интернет орқали УШБУ ЛИНК ОРҚАЛИ томоша қилишингиз мумкин.

UPD. Жанг вақтида кичик ўзгариш: боксчимиз иштирокидаги баҳс тахминан 23:45 атрофида бошланади.