Бугун Исроил Мадримов Нью-Йоркда очиқ машғулот ўтказади

Чарм қўлқоп устамиз шу куни АҚШнинг Нью-Йорк шаҳридаги муҳташам Madison Square Garden аренасида мексикалик Алехандро Баррерага қарши жанг ўтказади. Бугун эса Мадримов айнан Madison Square Garden аренаси ёнидаги майдонда ташкил этиладиган очиқ машғулотда иштирок этади. 

"Очиқ машғулотга кириш бепул. Мен АҚШдаги барча ҳамюртларимизни машғулотни томоша қилиш учун таклиф этаман. Сиз билан учрашиш мен учун катта шараф", - дейди Мадримов.      

Эслатиб ўтамиз, Исроил Мадримов рингга чиқадиган бокс оқшомининг марказий жанги ярим ўрта вазн тоифасда собиқ жаҳон чемпиони қозоғистонлик Геннадий Головкин ҳамда украиналик Сергей Деревьянченко ўртасида бўлиб ўтади. Ушбу жангда ўртага вакант бўлиб турган IВF чемпионлик камари қўйилади. 

Маълумот учун, WBA Intercontinental чемпионлик камари соҳиби бўлиб турган Исроил Мадримов шу кунгача ўтказган уччала жангини ҳам муддатидан аввал якунлаган. 34 ёшли тажрибали Баррера эса 34 та жангда рингга кўтарилган. Ҳисобида 29 та ғалаба (18 та нокаут) ва 5 та мағлубият (1 та нокаут) бор.