Бугун Италиядаги лицензион турнирда 4 нафар боксчимиз рингга чиқади

Бугун мусобақа доирасида 4 нафар боксчимиз ҳам навбатдаги жангларини ўтказишади. Дастлаб -66 кг вазнда Навбаҳор Ҳамидова грециялик Параскеви Мавромматига қарши рингга чиқади. Бу Ҳамидова учун турнирдаги илк жанг бўлади. Ўзбек боксчиларининг бугунги иштирокини бошлаб берадиган ушбу жанг бизнинг вақт билан соат 15:15 да старт олади.

Бугун Сабина Бобоқулова ҳам турнирдаги илк жангида рингга кўтарилади. Унинг рақибаси сингапурлик Даниша Матиалаган бўлади. Жанг Тошкент вақти билан соат 19:45 да старт олади.

-80 кг вазндаги боксчимиз Тўрабек Ҳабибуллаев польшалик Рафал Перcзйнски билан тўқнаш келади. Бу баҳс тахминан соат 22:00ларда бошланади. Боксчиларимизнинг бугунги иштирокини Ситора Турдибекова якунлаб беради. -57 кг вазндаги боксчимизнинг чехиялик Люси Седлачковага қарши жанги тунги соат 01:15 дан кейин старт олади.