Бугун Жаҳон чемпионатида 5 нафар боксчимизга мухлислик қиламиз. Олимпиада чемпионимиз ҳам бугун бошлайди

Бугун жаҳон чемпионатининг учинчи куни 5 нафар чарм қўлқоп устамиз рингга кўтарилади. Улар орасида Олимпиада ва жаҳон чемпиони Абдумалик Халоков ҳам бор. -60 кг вазн тоифасидаги боксчимиз илк жангида туркиялик Мехметхан Чинарга қарши рингга чиқади. Ушбу баҳс бизнинг вақт билан соат 00:30да бошланади. 

Кун давомида Феруза Казакова (-51 кг), Шавкатжон Болтаев (-71 кг), Ситора Турдибекова (-60 кг) ва Олтиной Сотибомбоевага мухлислик қиламиз. Боксчиларимизнинг бугунги иштирокини соат 15:45да Феруза Казакова панамалик Юлиетт Хинестрозага қарши жанг билан бошлаб беради.   

Эслатиб ўтамиз, бугунгача 4 нафар боксчимиз жаҳон чемпионатидаги илк жангларини ўтказишди ва уларнинг бари ишончли ғалабага эришишди. 

Жуфтликлар билан танишинг:

-51 кг: Феруза Казакова - Юлиетт Хинестроза (Панама) А ринг. 15:45

-70 кг: Шавкатжон Болтаев - Кевин Скотт (Швеция) А ринг. 17:45

-60 кг: Ситора Турдибекова - Тетиана Довхал (Украина) А ринг. 23:00

+80 кг: Олтиной Сотимбоева - Мариа Ловчинска (Украина) А ринг. 00:15

-60 кг: Абдумалик Халоков - Меҳметхан Чинар (Туркия) А ринг. 00:30. 

Биринчи дастур бизнинг вақт билан соат 15:00, кечки дастур эса 22:00 да бошланади.