Бугун жаҳон чемпионатининг тўртинчи куни оғир вазнли дзюдочиларимизга мухлислик қиламиз

Дунёнинг 5 қитъаси 67 мамлакатидан жами 531 нафар дзюдочи қатнашаётган мазкур нуфузли мусобақада Ўзбекистон ёшлар терма жамоаси ҳам тўлиқ таркибда иштирок этяпти. Уч кунлик беллашувлар якунига кўра, 3 та бронза медали билан умумжамоа ҳисобида 9-ўринни эгаллаб турибмиз. 

Бугун оғир вазнларда ғолиб ва совриндорлар аниқланади. Ўғил болалар -100, +100 кг, қизлар эса -78 ва +78 кг вазн тоифаларида жаҳон чемпионати медаллари учун татамига чиқишади. Бугунги беллашувларда Ширинжон Йўлдошева, Моҳларойим Тўхтамишева, Умида Ниғматова, Муҳаммадсодиқ Содиқов ва Фазлиддин Рафиқовга мухлислик қиламиз.  

Дзюдочиларимизнинг илк даврадаги рақиблари:

-78 кг: Ширинжон Йўлдошева - Мари Коснарова (Чехия)

+78 кг: Моҳларойим Тўхтамишева - Чиҳиро Ямагучи (Япония) 

+78 кг: Умида Нигматова - Руслана Махатова (Қозоғистон)

-100 кг: Муҳаммадсодиқ Содиқов - Яннис Бачин (Германия)/Оливер Шеффел (Словакия)

+100 кг: Фазлиддин Рафиқов - Фараҳманд Устопиров (Тожикистон)