25 май 08:08
Янгиликлар
Бугун Жиззахда “Баркамол авлод-2017” ўйинлари бошланади
Айнан бугун мусобақанинг тантанали очилиш маросими бўлиб ўтади. Марказий “Сўғдиёна” стадионида ўтказиладиган маросим санъат усталари иштирокидаги катта концерт дастурига айланиб кетади.
“Баркамол авлод-2017” мусобақалари Жиззах шаҳридаги 4 та объектда ташкил этилади. Жиззах политехника институтида футбол ва волейбол баҳслари ўтказилса, ушбу институт қошидаги академик лицейда шахмат мусобақаларига старт берилади.
Қўл тўпи, таэквондо, дзюдо, эркин кураш, юнон-рум кураши, стол тенниси, баскетбол, бадминтон, теннис, оғир атлетика беллашувлари эса Жиззах олимпия захиралари коллежида ташкил этилади.
Ёшлик ва спорт байрамининг очилиш ва ёпилиш маросимлари ўтказилувчи “Сўғдиёна” спорт мажмуасида бокс, енгил атлетика, сузиш ҳамда бадиий гимнастика бўйича ғолиб ва совриндорлар номи маълум бўлади.
Фикрлар