Бугун Киев турнири финалида ўзбек дербисига гувоҳ бўламиз

Ўз тарихида 24-маротаба ташкил этилаётган мусобақада дунёнинг йигирмадан зиёд давлати қаторида Ўзбекистон терма жамоаси аъзолари ҳам ҳар уччала йўналишда юртимиз спорт шарафини ҳимоя қилишяпти. Кеча мусобақанинг биринчи куни уч йўналишда ҳам бир нечтадан вазн тоифасида саралаш беллашувлари ўтказилиб, финалчилар аниқланди. 

Қувонарлиси, -57 кг вазндаги эркин курашчилар баҳсида икки ҳамюртимиз финалга етиб келди. Нодиржон Абдуллаев ва Ғуломжон Абдуллаев финал йўлидаги рақибларини енгиб, бугун ўтказиладиган олтин медаль учун учрашувда гиламга чиқиш ҳуқуқини қўлга киритишди. Абдуллаев финалгача украиналиклар Сергей Терзи, Тарас Маркович, беларуслик Ариан Тютрин, ярим финалда яна бир ҳамюртимиз Маҳмуджон Шавкатовни мағлубиятга учратди. Нодиржон Сафаров эса руминиялик Разван Ковач, грузиялик Роберти Дингашвили, қирғизистонлик Бекболот Мирзаназардан устун келди. Ушбу вазнда гиламга чиққан Маҳмуджон Шавкатов бугун бронза медали учун курашади.    

-86 кг вазнда юртимиз шарафини ҳимоя қилаётган Жавраил Шапиев ҳам бугун бронза медали учун кечадиган беллашувда ўз маҳоратини намойиш этади. Шапиев туркияликлар Фатих Эрдин ва Осман Гочен, молдовалик Пётр Януловни мағлуб эта олди. Ярим финалда польшалик Себастьян Жезерзанскига сўнгги балл эвазига ютқазиб қўйди.