06 дек 09:31
Янгиликлар

Бокс/ММА

Бугун Конор Макгрегорнинг ўзбекистонлик спарринг шериги UFC спортчилари билан бир турнирда жанг ўтказади (Постер + тўлиқ кард)

Бугун Бирлашган Араб Амирликларининг Ал-Айн шаҳрида жойлашган "Adnec Centre" мажмуасида грэпплинг ва жиу-житсу бўйича ADXC 8 турнири ўтказилади.

Оқшомнинг марказий жангида UFC'да фаолият олиб бораётган ироқлик Амир Албази яна бир UFC жангчиси, бразилиялик Жафел Фильо билан тўқнаш келади. Ушбу баҳс жиу-житсу қоидалари асосида ўтказилади.

Эътиборлиси, турнирнинг прелим карди доирасида ўзбекистонлик аралаш яккакураш устаси Баҳромжон Рўзиев жиу-житсу жангида иштирок этади. Унга мисрлик Мидо Моҳамед рақиблик қилади. Жанглар Тошкент вақти билан соат 19:00 да старт олади.

Эслатиб ўтамиз, икки вазн тоифасида ирландиялик UFC собиқ чемпиони Конор Макгрегор ўтган йили Дубай (БАА) шаҳридаги йиғини доирасида Баҳромжон Рўзиевни спарринг шерик сифатида танлаганди.