Бугун Лайлохон Собирова ва яна икки курашчи-қизимиз жаҳон чемпионатидаги иштирокини бошлайди

Бугун аёллар кураши баҳсларида Ўзбекистон терма жамоасининг уч нафар вакиласи жаҳон чемпионати медаллари ҳамда Париж-2024 Олимпиадаси лицензиялари учун курашга киришади. Бугунги беллашувларда Жасмина Иммаева, Лайлохон Собирова ва Светлана Окназаровага мухлислик қиламиз. 

Курашчи-қизларимизнинг илк рақибалари:

50 кг. Квалификацион раунд: Жасмина Иммаева - Полина Лукина (Россия) 

57 кг. 1/16 финал: Лайлохон Собирова - Айнур Ашимова (Қозоғистон)

76 кг. Квалификацион раунд: Светлана Окназарова - Анастасия Алпеева (Украина)

Шунингдек, бугун Рио-2016 Олимпиадаси совриндори, 38 ёшли эркин курашчимиз Магомед Ибрагимов бронза медали йўлидаги ўтиш беллашувида ҳам ўз имкониятини синаб кўради. Бу йўлда у дастлаб Коста-Рика курашчиси Максвелл Лемарни мағлуб этиши керак бўлади.