Бугун "Насаф" ва "Пахтакор"нинг ОЧЛдаги тақдири ҳал бўлади

Ўзбекистоннинг икки клуби гуруҳ босқичига чиқиш учун кураш олиб боради. Қаршида "Насаф" клуби ўз мухлислари қаршисида Иорданиянинг "Ал Файсали" клубини қабул қилади. Бу ўйин соат 16:00да бошланади.

"Пахтакор" эса Қатарда "Ал Гарафа" меҳмони бўлади. Учрашув Тошкент вақти билан соат 22:00да старт олади.

Шарқий минтақада ҳамюртимиз Одил Аҳмедов ўйнаётган "Шанхай СИПГ" клуби Таиланднинг "Чианграи Юнайтед" клубини ўз уйида қабул қилади.

Эслатиб ўтамиз, плей-офф ўйинлари фақат битта ўйиндан иборат бўлади ва жавоб учрашувлари йўқ. Барча масала бугун ҳал бўлади. Агар асосий вақтда ғолиб аниқланмаса, қўшимча таймлар белгиланади. Унда ҳам тенглик бўлса пенальтилар сериясига мурожаат қилинади.

Бугунги ўйинларда ғолиб бўлган 8та клуб ОЧЛ-2018 гуруҳ босқичига йўлланма олади.

ҒАРБИЙ МИНТАҚА
16:00 - "Насаф" (Ўзбекистон) - "Ал Файсали" (Иордания) (СПОРТ ТВ LIVE)
18:30 - "Зоб Оҳан" (Эрон) - "Аизавл" (Ҳиндистон)
19:15 - "Ал Айн" (БАА) - "Малкия" (Баҳрайн)
22:00 - "Ал Гарафа" (Қатар) - "Пахтакор" (Ўзбекистон) (СПОРТ ТВ LIVE)

ШАРҚИЙ МИНТАҚА
12:30 - "Тианжин Куанжиан" (Хитой) - "Серес-Негрос" (Филиппин)
15:00 - "Кашива Рейсол" (Япония) - "Муантонг Юнайтед" (Таиланд)
15:30 - "Сувон Самсунг" (Жанубий Корея) - "ФЛК Тан Хоа" (Вьетнам)
16:35 - "Шанхай СИПГ" (Хитой) - "Чианграи Юнайтед" (Таиланд)