Бугун Нодирбек Абдусатторов Руминия турнири пешқадамига қарши дона суради

Ўз ичига 5 та турнирни жамловчи ушбу нуфузли шахмат мусобақасининг умумий мукофот жамғармаси 1,5 миллион АҚШ долларини ташкил этади. Мазкур мусобақада ҳамюртимиз Нодирбек Абдусатторов (2766) ҳам ўз маҳоратини намойиш этмоқда. Бир дуранг ва бир мағлубият қайд этган гроссмейстеримиз бугун 3-турда оқ доналарда Фабиано Каруана (АҚШ, 2805) билан муносабатларига ойдинлик киритиб олади. Каруана турнирнинг биринчи сараланган шахматчиси ҳисобланади. 

Маълумот учун, "Superbet Chess Classic Romania" турнирининг мукофот жамғармаси 350 000 АҚШ долларини ташкил қилади. Чемпион гроссмейстер 100 000 долларни қўлга киритади. Ҳозирча Нодирбек 0,5 очко билан турнир жадвалида охиридан битта олдинга ўринни эгаллаб турибди. Агар бугун пешқадам мағлуб этиладиган бўлса, вазият буткул ўзгариб кетади. Турнир жадвалида 1,5 тадан очкога эга Каруана ва Гукеш пешқадамлик қиляпти. 

3-тур жуфтликлари: Гукеш – Прагнанандҳа, Нодирбек Абдусатторов – Фабиано Каруана, Вашье-Лаграв – Фирузджа, Гири – Непомнящий, Со – Дяк.