Бугун Нодирбек Абдусатторов "Tata Steel Chess India"даги иштирокини бошлайди

Ўз тарихида олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Турнир 9 тур рапид (25+10) ва 18 тур блиц (3+2) йўналишида ўтказилиб, унда биринчи рақамли шахматчимиз Нодирбек Абдусатторов ҳам бош соврин учун баҳс олиб боради. 

Рапид ва блиц йўналишлари учун алоҳида ғолиб аниқланадиган "Tata Steel Chess India" турнирида Магнус Карлсен ҳам иштирок этади. Нодирбек ва Магнусдан ташқари хитойлик Вей Йи, германиялик Винсент Кеймер, АҚШ вакили Уэсли Со, россиялик Данил Дубов, ҳиндистонликлар Видит Гужрати, Аржун Эргаиси, Рамешбабу Праггнанандҳа, Ниҳал Сарин ва Сунилдат Нараянан мусобақада ўз маҳоратларини намойиш этишади. 

Бугун Нодирбек Абдусатторов турнирдаги иштирокини FIDE байроғи остида қатнашадиган россиялик Данил Дубовга қарши учрашув билан бошлайди. Бугуннинг ўзида Винсент Кеймер (2-тур) ва Рамешбабу Прагнанандҳа (3-тур)га қарши учрашувлар ҳам Нодирбекни кутмоқда.