07 окт 10:41
Янгиликлар
Регби
Бугун Нукусда Регби бўйича Ўзбекистон чемпионати бошланади
7-8-9-10 октябрь кунлари Қорақалпоғистон Республикасининг Нукус шаҳрида Регби-7 бўйича эркаклар ва аёллар жамоалари ўртасида Ўзбекистон чемпионати ҳамда кубоги мусобақалари ўтказилади.
Мусобақалар Нукусдаги “Турон” стадионида ташкил этилади.
Эркаклар ўртасидаги баҳсларда Фарғона, Наманган, Хоразм ва Навоий вилоятлари, Тошкент шаҳри ҳамда Қорақалпоғистон Республикаси жамоалари ғолиблик учун кураш олиб боради.
Аёллар ўртасидаги мусобақаларда эса Наманган, Навоий ва Хоразм вилоятлари ҳамда мезбон Қорақалпоғистон Республикаси вакилалари ўз омадини синаб кўришади.
Шуни таъкидлаш керак, Регби-7 мусобақаларида илк маротаба хоразмлик спортчилар ҳам иштирок этишмоқда. Бу эса мамлакатимизда ушбу спорт тури географияси тобора кенгайиб бораётганидан дарак беради.
Ҳавола :
Фикрлар