Бугун Осиё чемпионатининг иккинчи кунида 6 нафар дзюдочимизга мухлислик қиламиз

Қитъа биринчилигида 36 давлатдан жами 272 (166 эркак, 106 аёл) нафар дзюдочи Осиё чемпионати медаллари учун курашга киришган. Мусобақада юртимиз шарафини 17 (9 эркак, 8 аёл) нафар дзюдочи ҳимоя қиляпти. Улардан 3 нафари кеча Осиё чемпионатининг бронза медалини қўлга киритди. 

Диёра Келдиёрова, Сардор Нуриллаев ва Достон Рўзиев шоҳсупанинг учинчи поғонасига кўтарилди. Бугунги беллашувларда 6 нафар дзюдочимизга мухлислик қиламиз.

Дзюдочиларимиз учун қуръа натижалари:

-70 кг: Гулноза Матниязова - Сонг Мун (КХДР)/Дан Ю (Хитой)

-70 кг: Шоҳиста Назарова - Екатерина Токарева (Қозоғистон)/Инунганби Тахелламбам (Ҳиндистон)

-73 кг: Шаҳрам Аҳадов - Ҳай Ба Нгуен (Вьетнам)/Карим Абдуллаев (БАА)

-73 кг: Муроджон Йўлдошев - Аскар Наркулов (Қозоғистон)/Масаюки Терада (Таиланд)

-81 кг: Нурбек Муртазоев - Юхеи Оино (Япония)

-81 кг: Шарофиддин Болтабоев - Вирон Жон Феррер (Филиппин)