Бугун Ўзбекистон Кубогининг иккинчи куни 5 та вазнда ғолиблар аниқланади

Муҳташам "Ёшлик" спорт мажмуаси мезбонлик қилаётган мусобақада Қорақалпоғистон Республикуаси, барча вилоятлар ҳамда Тошкент шаҳридан жами 557 (441 ўғил бола, 116 қиз) нафар дзюдочи 14 та вазн тоифасида татамига чиқмоқда. Шунингдек, МҲСК дзюдочилари ҳам алоҳида жамоа сифатида иштирок этишяпти. 

Бугун мусобақанинг иккинчи кунида ўғил болаларда -73, -81, -90 кг, қизларда эса -63 ва -70 кг вазн тоифаларида ғолиб ҳамда совриндорлар номи маълум бўлади. Бугунги баҳсларда жами 229 (197 ўғил бола, 32 қиз) иштирокчи татамига чиқади. Соат 16:00да Ўзбекистон Кубогининг тантанали очилиш маросими ўтказилса, соат 17:00да финал беллашувлари бошланади.