Бугун пешқадам Абдусатторов энг яқин таъқибчиси билан тўқнаш келади

Вугар Гашимов хотирасига бағишлаб ўтказилаётган анъанавий мусобақада дунёнинг номдор 10 гроссмейстерлари қаторида рапид бўйича амалдаги жаҳон чемпиони, Бутунжаҳон шахмат олимпиадаси ғолиби Нодирбек Абдусатторов ҳам бош соврин учун дона суряпти.

Fairmont Baku меҳмонхонасида ўтаётган мусобақанинг иккинчи кунги баҳсларидан сўнг ҳамюртимиз ҳамон якка пешқадам бўлиб турибди. Нодирбек ўтказилган 6 партиянинг 4 тасида ғалаба, 2 тасида дуранг натижа қайд этиб, 10 очко билан карвонбошиликни давом эттиряпти. 

Бугун Абдусатторов 7-турда энг яқин таъқибчиси озарбайжонлик Рауф Маммедовга қарши оқ доналар билан ўйнайди. Мамедов 9 очко билан иккинчи ўринни эгаллаб турибди. Хитойлик Ван Хао 8 очко билан кучли учликка якун ясаган.  

Ҳамюртимиз иштирокидаги бугунги ўйинлар:

7-тур. Нодирбек Абдусатторов - Рауф Мамедов (Озарбайжон)

8-тур. Нодирбек Абдусатторов - Ричард Паппорт (Руминия)

9-тур. Гукеш (Ҳиндистон) - Нодирбек Абдусатторов

Турнир жадвалидаги ҳолат: Нодирбек Абдусатторов – 10 очко, Мамедов - 9, Ван Хао - 8, Вальехо – 7, Раппорт, Мамедъяров, Гадимбейли, Гукеш – 5, Шенкленд - 4, Сулейманли – 2.