13 май 07:39
Янгиликлар
Бокс/ММА
Бугун Самарқандда “Uzbek Tigers” - “Cuba Domadores” тўқнашуви бўлади
Бугун Самарқанд шаҳридаги “Мўъжиза” амфитеатрида “Uzbek Tigers” жамоаси Бутунжаҳон Бокс серияси (WSB) доирасидаги чорак финал босқичининг илк учрашувини ўтказади.
Боксчиларимиз амалдаги чемпион - Кубанинг “Cuba Domadores” жамоасига қарши рингга кўтарилишади. Кеча боксчиларни тарозидан ўтказиш маросими ҳамда ОАВ ходимлари учун матбуот анжумани ташкил этилди.
Бугун эса соат 19.30да “Мўъжиза” амфитеатрида бокс оқшоми бошланади. Дастурдан 5та жанг ўрин олган. Жамоамиз мураббийлари мазкур баҳсга кучли таркибни танлашган. Ўз ўрнида кубаликлар ҳам юртимизга асосий таркиб билан етиб келишган.
Жуфтликлар билан танишинг:
49 кг: Ҳасанбой Дўсматов - Жоханус Аргилагос
56 кг: Муроджон Аҳмадалиев - Хавер Ибаньес
64 кг: Иқболжон Холдоров - Энди Круз
75 кг: Исроил Мадримов - Арлен Лопес
91 кг: Санжар Турсунов - Эрисланди Савон
Маълумот учун, бу икки жамоанинг жавоб учрашуви 20 май куни Гавана шаҳрида ўтказилади.
Ҳавола :
Манба : olamsport.com
Фикрлар