Бугун шахматчиларимиз жаҳон чемпионатининг 6-турида кимларга қарши дона суришади?

Бугун рапид йўналишида 4 та тур ўтказилади. Ўзбекистонлик шахматчилар орасида энг яхши натижага эришиб турган рапид бўйича амалдаги жаҳон чемпиони Нодирбек Абдусатторов бирнинг вақт билан соат 14:00да бошланадиган 6-турда польшалик Ян Дудага қарга оқ доналарда ўйнайди. Нодирбек 5 партиянинг 4 тасида ғалаба қозониб, 4 очко билан қўшимча кўрсаткичларга кўра 178 шахматчи орасида 8-ўринни эгаллаб турибди. Бешинчи поғонадаги Аниш Гири (Ҳиндистон) ҳисобида ҳам 4 очко бор. 

Шахматчиларимизнинг 6-турдаги рақиблари (эркаклар): 

Нодирбек Абдусатторов (2676) - Ян Дудик (Польша, 2791) 

Максим Ваше-Лаграв (Франция, 2777) - Нодирбек Якуббоев (2573)

Шамсиддин Воҳидов (2481) - Тигран Петросян (Арманистон, 2623)

Сабино Брунелло (Италия, 2725) - Жаҳонгир Воҳидов (2529)

Пранав (Ҳиндистон, 2430) - Жавоҳир Синдаров (2596)

Муҳиддин Мадаминов (2337) - Фредерик Свен (Германия, 2466)

Ҳумоюн Бегмуратов (2292) - Ндерим Сарачи (Косово, 2441)

Муҳаммадзоҳид Суяров (2089) - Эндрю Танг (АҚШ, 2439)

Қизларимизнинг 5-турдаги рақибалари:

Полина Шувалова (FIDE, 2384) - Нафиса Мўминова (2242) 

Афруза Ҳамдамова (2052) - Александра Мальцевская (Польша, 2327) 

Байра Кованова (FIDE, 2241) - Умида Омонова (2059)