Бугун "Странжа" турнирида икки боксчимиз ўз жангларини ўтказади

Кичик жаҳон чемпионатига тенглаштириладиган ушбу мусобақанинг бугун учинчи кунги жанглари ташкил этилади. Бугунги кун дастурида икки боксчимизга мухлислик қиламиз. Жанглар бизнинг вақт билан соат 17:00да бошланади. 

Дастлаб, -54 кг вазн тоифасидаги боксчимиз Шаҳзод Музаффаров ирландиялик Жойсе Патсига қарши рингга кўтарилади. Ушбу жанг А рингида тахминан соат 18:30да старт олади. Кейин эса энг оғир вазндаги чарм қўлқоп устамиз Жаҳонгир Зокиров болгариялик Георги Георгиев билан ҳисоб-китоб қилиб олади. Бу жанг А рингида соат 19:45да бошланади. Зокиров кеча илк босқичда озарбайжонлик Маҳаммад Абдуллаевни 4:1 ҳисобида таслим этганди.