28 ноя 12:40
Янгиликлар

Теннис

Бугун Султонов Анталия "Челленжер" турнирида кортга чиқади

Бугун Туркиянинг Анталия шаҳрида "Челленжер 80" туркумига кирувчи турнирнинг саралаш учрашувлари бошланади.

Мукофот жамғармаси 31 440 еврони ташкил қилувчи мусобақада ҳамюртимиз Ҳумоюн Султонов ҳам иштирок этади. Саралашда тўртинчи рақам остида таснифланган теннисчимиз польшалик Яков Полга қарши кортга чиқади.

Таққослаш учун, Султонов ATP рейтингида 391, Поль эса 464-поғонадан жой олган. Султонов - Поль учрашуви Тошкент вақти билан соат 15:00да бошланади. Ушбу баҳс ғолиби саралашнинг финал учрашувида Тьяго Какао (Португалия) - Лукас Герч (Германия) жуфтлиги ғолиби билан тўқнаш келади.