04 фев 08:44
Янгиликлар
Теннис
Бугун Султонов эски таниш рақибга қарши "Ченнай Экспресс"даги юришини бошлайди
Ҳиндистоннинг Ченнай шаҳрида теннис бўйича "Челленжер" 100 тоифасига кирувчи турнирнинг асосий тўр баҳслари старт олди.
Мукофот жамғармаси 160 000 АҚШ долларини ташкил қилувчи ушбу мусобақада ҳамюртимиз Ҳумоюн Султонов ҳам ўз омадини синаб кўради. Мамлакатимизнинг биринчи ракеткаси 1/16 финалда чехиялик Далибор Сврчинага қарши кортга чиқади. Учрашув бизнинг вақт билан соат 14:00да бошланади.
Таққослаш учун, Далибор ATP рейтингида 223, Ҳумоюн эса 235-ўринни эгаллаб турибди. Бу икки теннисчи ўзаро икки маротаба тўқнаш келишган ва афсуски, ҳар икки учрашувда Сврчинанинг қўли баланд келган. Уларнинг сўнгги учрашуви яқинда Австралия Очиқ чемпионатининг саралаш босқичи доирасида ўтказилиб, унда Далибор 6/3, 1/6, 6/3 ҳисобида ғалаба қозонганди.
*Маълумот янгиланди: Ҳумоюн Султонов жароҳати сабабли мусобақада иштирок эта олмайди.
Ҳавола :
Манба : olamsport.com
Фикрлар