19 авг 10:37
Янгиликлар

Теннис

Бугун Султонов Италия “Челленжер”идаги юришини бошлайди

Бугун Италиянинг Абруцци вилояти маркази ҳисобланган Л’Акуила шаҳрида теннис бўйича “Челленжер” туркумига кирувчи турнирнинг асосий тўр баҳслари старт олади.

Соврин жамғармаси 46 600 еврони ташкил қилувчи мусобақада истеъдодли теннисчимиз Ҳумоюн Султонов ҳам ўз имкониятини синовдан ўтказади. Ҳумоюн қуръа натижасига кўра илк даврада италиялик Лоренцо Мусеттига қарши кортга чиқади.

Султонов - Мусетти учрашуви Тошкент вақти билан тахминан соат 14:30да бошланади. Бу баҳс ғолибини иккинчи даврада турнирнинг учинчи ракеткаси, қозоғистонлик Дмитрий Попко кутиб турибди. Мусобақа ғолиби 6 190 евро мукофот пули ҳамда 80 рейтинг очкосини қўлга киритади.